यी ५ कारण दिएर विप्लव समूहले हान्यो भूमाफियाको घरमा बम

काठमाडौँ । प्रतिबन्धित विप्लव समूहले बालुवाटार जग्गा प्रकरणका मुछिएका प्रमुख पात्रमध्येका एक शोभाकान्त ढकालको घरमा बम विस्फोट गराएको छ ।  सानो भर्याङस्थित ढकालको घरमा बुधबार साँझ बम विस्फोट भएको हो । 

विस्फोटबाट ढकालको घरको पार्किङमा राखिएको गाडिमा क्षति पुगेको बताइएको छ ।  शोभाकान्तको घरमा विस्फोटको कारण प्रष्ट्याउँदै विप्लव समूहले एक पर्चा पनि सार्वजनिक गरेको छ । विप्लव समूहले बम विस्फोट गराउनुपर्नुको ५ कारण दिएको छ । पहिलो कारणमा ललिता निवासको ११५ रोपनी सरकारी जग्गा व्यक्तिको नाममा दर्ता गर्ने र बेच्ने प्रपञ्चको मुख्य योजना कारण भएको उल्लेख छ । 

यस्तै जमिनको अनियमितताबारे पूर्वसचिव शारदा प्रसाद त्रितालको नेतृत्वमा गठित छानबिन समितिको प्रतिवेदनमा भूमाफिया किटान गरेको दोस्रो कारण दिएको छ यस्तै तेस्रो कारणमा भूमिहीनहरुको जग्गा आफ्नो नाममा हडप्ने प्रपञ्च गरेको उल्लेख गरिएको छ । 
यस्तै चौथो र पाचौ कारणमा क्रमशः विगतमा एमाले तथा हाल नेकपाको आडमा माफियागिरी तथा लुटखसोट गरेको र उनी माफिया पसष्टि हुँदा पनि केपी ओली सरकारले कारबाही नगरेकाले पार्टीले कारबाही गर्नुपरेको उल्लेख छ ।