श्रीमतीलाई कुटपिट गरी हत्या गरेको अभियोगमा राई पक्राउ

सुनसरी । आफ्नै श्रीमती ३६ वर्षीया रमिला राईलाई कुटपिट गरी हत्या गरेको अभियोगमा धरान उपमहानगरपालिका-१५ सहिद मार्ग बस्ने ४३ वर्षीय काजिमान राईलाई बुधबार राति प्रहरीले पक्राउ गरेको छ । 

घरायसी विवादको कारण काजिमानले आफ्नै श्रीमतीलाई कुटपिट गर्दा गम्भीर घाइते भएको भन्ने खबर प्राप्त हुनासाथ ईलाका प्रहरी कार्यालय धरानबाट खटिएको प्रहरीले उनलाई पक्राउ गरेको हो ।

कुटपिटबाट गम्भीर घाइते भएकी रमिलाको धरान घोपा अस्पतालमा उपचारको क्रममा मृत्यु भएको थियो । यस सम्बन्धमा प्रहरीले आवश्यक अनुसन्धान गरिरहेको छ ।