काठमाडौं । अमेरिकी राष्ट्रपति डोनाल्ड ट्रम्पविरुद्धको महाभियोग प्रस्ताव अमेरिकाको तल्लो सदन हाउस अफ रेप्रिजेन्टेटिभ्सबाट पारित भएको छ । ट्रम्पलाई युक्रेनसँगको सम्झौतामा सन् २०२० मा हुने राष्ट्रपति निर्वाचनलाई प्रभाव पार्नेगरी आफनो प्रतिद्धन्द्धीका विषयमा अनुसन्धान गर्न दबाब दिएर शक्तिको दुरुपयोग गरेको अभियोग लागेको थियो ।
त्यसै विषयलाई लिएर उनीविरुद्ध महाअभियोग लगाउने तयारी थियो । पूर्व उपराष्ट्रपतिसमेत रहेका जो बाइडन र उनका छोरालाई भ्रष्टाचारको मुद्दामा फसाउन युक्रेनी समकक्षीलाई ट्रम्पले टेलिफोन गरेको दाबी विपक्षीको छ । ट्रम्पलाई महाभियोग लगाउने या नलगाउने भन्नेबारे अमेरिकी तल्लो सदनमा बुधबारदेखि बहस चलेको थियो । बहसपछि नेपाली समयअनुसार बिहीबार बिहान भएको मतदानमा बहुमत सांसद् ट्रम्पविरुद्ध खडा भएका हुन् ।
अन्र्तराष्ट्रिय सञ्चार माध्यमका अनुसार, महाभियोगको पक्षमा २३० र विपक्षमा १९७ मत परेको छ । महाभियोगका लागि २१६ मत आवश्यक पर्नेमा त्यसभन्दा १४ मत बढी परेको हो । तल्लो सदनबाट महाभियोग लाग्ने ट्रम्प अमेरिकाका तेस्रो राष्ट्रपति हुन् । अमेरिकी इतिहासमा तीन जना राष्ट्रपतिले महाअभियोगको सामना गरेपनि कुनै पनि राष्ट्रपतिले मतदानमा पराजित हुनुपरेको थिएन् ।
रिचर्ड निक्सनले भने महाअभियोगको चर्चापछि आफै राजीनामा दिएका थिए । महाअभियोग सदनमार्फत राष्ट्रपतिलाई हटाउने सम्बैधानिक माध्यम हो । डेमोक्रायटिक पार्टीका तर्फबाट सन् १८६८ मा राष्ट्रपति बनेका एन्डु जोन्सन एक मतले मात्र जोगिएका थिए । ट्रम्पलाई तल्लो सदनले महाअभियोग लगाउने प्रस्ताव पारित गरेपनि अब यसबारे माथिल्लो सदनले छिनोफानो गर्नेछ । माथिल्लो सदनमा भने ट्रम्पको पार्टी रिपब्लिकन सांसदहरुको बहुमत छ ।
प्रतिक्रिया दिनुहोस
सफल खबर संवाददाता
विहीबार, ०३ पुस २०७६, ०९ : २१
लेखकबाट थप
सम्बन्धित समाचारहरु
सर्वेक्षणमा ६ ठूला राज्यमा बाइडेनभन्दा ट्रम्प अगाडि
म राष्ट्रपति भइन भने रक्तपात हुनेछ: डोनाल्ड ट्रम्प
डोनाल्ड ट्रम्पमाथि लगाइएको प्रतिबन्ध खारेज
युक्रेन र गाजामा द्वन्द्व हुने थिएन : ट्रम्प
पुनः राष्ट्रपति बन्न खोजिरहेका ट्रम्पलाई उत्तरपूर्वी राज्य माइनकाे झट्का
डोनाल्ड ट्रम्पद्धारा न्यूयोर्कमा सिभिल ठगी मुद्दामा बयान नदिने घोषणा