जिप दुर्घटना हुँदा १४ जनाको मृत्यु

काठमाडौं । गुल्मीबाट कुल पूजाका लागि बागलुङको देवीस्थान आउँदै गरेको जिप दुर्घटना हुँदा १४ जनाको मृत्यु भएको छ ।
मंगलबार बिहान गुल्मीको दोहलीबाट बागलुङको देवीस्थानको लागि छुटेको जिप तुरतुरेताल अगाडि दुर्घटना भएको हो ।बुर्तिबाङ्ग प्रहरी चौकिका प्रमुख सुरज खड्का अनुसार एक बालक सहित १४ जनाको मृत्यु भएको छ । दुर्घटनामा ३ जना घाईते भएका छन् । उनीहरुलाई थप उपचारका लागि नजिकैको स्वास्थ्य चौकी लगिएको छ । जिप सडकबाट ३ सय मिटर तल बडीगार्ड खोलामा खसेको प्रहरीले जनाएको छ ।