मोटरसाइकल दुर्घटनामा परी भरतपुरमा एकको मृत्यु

चितवन । चितवनको भरतपुरमा बोलेरो र मोटरसाइकल एक आपसमा ठोक्किदा एक जनाको मृत्यु भएको छ । भरतपुर महानगरपालिका ६ का ३० वर्षीय रोसन सापकोटाको दुर्घटनामा परी मृत्यु भएको जिल्ला प्रहरी कार्यालय चितवनले जनाएको छ ।
नारायणगढबाट मुग्लिनतर्फ जाँदै गरेको बा १० च ४४१३ नम्बरको बोलेरो र विपरित दिशाबाट आउदैं गरेको बा ६६ प २९६५ नम्बरको मोटरसाइकल नारायणगढ मुग्लिन सडक खण्ड अन्तर्गत इच्छाकामना गाँउपालिका ६ जलविरेमा ठोक्किएको थियो । 
दुर्घट्नामा परि गम्भिर घाइते सापकोटाको पुरानो मेडिकल कलेजमा उपचारका क्रममा बिहिबार विहान मृत्यु भएको प्रहरी प्रवक्ता एक नारायण कोइरालाले बताए ।  मृतक सापकोटा मोटरसाइकलका चालक भएको प्रहरीले जनाएको छ । बोलेरो र चालकलाई प्रहरीले नियन्त्रणमा लिएको छ ।