रेनु दाहालको निर्वाचन परिणामप्रति एमाले अध्यक्ष ओलीद्वारा आश्चर्यसहित दुःख व्यक्त

काठमाडौँ । प्रतिनिधि सभा निर्वाचनमा नेकपा नेतृ रेनु दाहालको पराजयप्रति नेकपा (एमाले)का अध्यक्ष केपी शर्मा ओलीले आश्चर्यसहित दुःख व्यक्त गरेका छन्। 

हाल पितृ शोकमा रहेका ओलीलाई भेट्न पुगेकी दाहालसँगको भेटका क्रममा उनले निर्वाचन परिणामबारे धारणा राखेका हुन्।

सोमबार भक्तपुरस्थित निवासमा भएको भेटमा दाहालले ओलीप्रति समवेदना प्रकट गरेकी थिइन्। उनले दिवंगत मोहनप्रसाद ओलीप्रति श्रद्धाञ्जली अर्पण गर्दै पारिवारिक संवेदना व्यक्त गरेकी थिइन्। भेटका क्रममा करिब आधा घण्टा राजनीतिक तथा व्यक्तिगत विषयमा संवाद भएको जनाइएको छ।