सुदन गुरुङको प्रशंसा गर्दै बालेनले लेखे मध्यरात यस्तो स्टाटस

काठमाडौं । राष्ट्रिय स्वतन्त्र पार्टीका नेता बालेन शाहले जेनजी अभियन्ता सुदन गुरुङको प्रशंसा गर्दै सामाजिक सञ्जालमा स्टाटस पोस्ट गरेका छन् । 

काठमाडौँ महानगरपालिकाका मेयर समेत रहेका बालेनले मध्यरातमा लेखेको उक्त स्टाटसमा देश बनाउने कुरा सबैले गर्ने भए पनि त्यसका लागि प्रयास गर्ने व्यक्ति नै महत्वपूर्ण हुने उल्लेख छ ।

उनले स्टाटसमा सुदन गुरुङले निर्वाह गरेको भूमिकालाई देशले लामो समयसम्म नबिर्सने दाबी गरेका छन् । “देश बनाउनु पर्छ भनेर सबैले भन्छन्, तर बनाउने प्रयास कसले गर्छ? — त्यो नै महत्वपूर्ण हुन्छ,” बालेनले भनेका छन् । 

जेनजी अभियन्ताका रूपमा परिचित सुदन गुरुङ पछिल्लो समय वैकल्पिक राजनीतिक शक्तिहरूको एकताका लागि सक्रिय रहँदै आएका छन् । उनको समेत सक्रियतामा बालेन र कुलमान घिसिङ रास्वपामा सक्रिय हुन सहमत भएका छन् ।