चितवन बाट फरार हीट एण्ड रन का चालक र सवारी साधन काठमाणडौं बाट नियन्त्रणमा

काठमाडौं। मिति २०८२/०६/२१ गते बिहान अं. ०५:१० बजेको समयमा जिल्ला चितवन भरतपुर महानगरपालिका वडा नं.४ चौबिसकोठी रामपुर सडकखण्ड सृष्टीचोक स्थितमा बिहानको समयमा मर्निङ वाल्क हिडिरहेका वर्ष ६० को कृष्ण प्रसाद कंडेललाई नंम्बर नखुलेको मोटरसाईकलले ठक्कर दिई गम्भिर घाईते बनाई मोटरसाईकल र सोका चालक भागि फरार भएको भन्ने सूचना प्राप्त हुनासाथ यस कार्यालयबाट खटिएको अनुसन्धान अधिकृत सहितको प्रहरी टोलीले बिभिन्न किसिमको अनुसन्धान विधी प्रयोग गर्नुका साथै सयौ सिसि फुटेज र दर्जनौ मोटरसाइकलहरुको सुक्ष्म बिश्लेषण गर्दै उक्त ठक्कर दिई फरार भएको मोटरसाईकल तथा चालकको पहिचान खुलाई निजलाई तदारुकताका साथ निरन्तर खोजतलाश गर्दै जाने क्रममा निजले वारदातको समयमा प्रयोग गरेको ना ३७ प ८५३० नम्बरको मोटरसाईकल र चालक जिल्ला गोरखा, गोरखा नगरपालिका वडा नं. १३ बस्ने वर्ष २७ को सुनिल गुरुङलाई काठमाण्डौ बौद्ध स्थितमा लुकि छिपि बसि रहेको भनि अनुसन्धानबाट खुल्न आएकोले यस जिल्ला प्रहरी कार्यालय चितवनबाट प्रहरी टोली खटि गई काठमाण्डौं उपत्यका अपराध अनुसन्धान कार्यालय, टेकूको सहकार्यमा उक्त मोटरसाइकल र सोको चालकलाई मिति २०८२/०८/०९ गते जिल्ला काठमाण्डौ, काठमाण्डौ महानगरपालिका वडा नं. ०६ बौद्ध स्थितमा फेला पारि ना ३७ प ८५३० नंम्बरको मोटरसाइकल सहित निजलाई नियन्त्रणमा लिई सम्मानित चितवन जिल्ला अदालत बाट सवारी अङ्गभङ्ग सम्बन्धी कसूरमा दिन ७ म्याद थप गरी थप अनुसन्धान भईरहेको ।