जेनजी आन्दोलनको मलजल गर्नेलाई एमालेबाट बिदा गर्न महेश बस्नेतको प्रस्ताव

काठमाडौँ । नेकपा एमालेका नेता महेश बस्नेतले पार्टीमा नेतृत्व परिवर्तन अनावश्यक तर्क भएको बताएका छन्। केन्द्रीय कमिटी बैठकमा बोल्दै अध्यक्ष केपी ओलीको व्यक्तित्व र नेतृत्व अझ बलियो बनाएर पार्टी अझ एकताबद्ध, सुदृढ र अनुशासित बनाउनुपर्ने बताए।

उनले भने,‘संवेदनशील र जटिल समयमा पार्टीको स्थायित्व र कार्य दिशा सुनिश्चित गर्न केपी ओलीलाई पोखरामा हुने ११ औँ महाधिवेशनमा एक कार्यकालका लागि सर्वसम्मत रूपमा समर्थन गर्दा राम्रो हुन्छ। विद्या भण्डारी जस्ता नेताहरूलाई वैकल्पिक नेता मानेर पार्टीमा अन्तद्वन्द्व बढाउन नलागौँ।’

ओलीको विकल्प खोज्ने नेताहरू अध्यक्षको विकल्प खोज्दै ‘प्रचण्ड’ र माधव नेपालसँग पुग्ने खतरा रहेको टिप्पणी गरे ।