नेपाल एयरलाइन्सले आज भैरहवामा उद्धार उडान गर्दै

काठमाडौं । बाढी र पहिरोका कारण देशभर सिर्जित विषम परिस्थितिमा नेपाल एयरलाइन्सले  सोमबार एक विशेष उद्धार उडान सञ्चालन गर्न लागेको छ।

राष्ट्रिय ध्वजावाहकको जिम्मेवारी र नेपाल सरकारको निर्देशनअनुसार काठमाडौं–भैरहवा–काठमाडौं सेक्टरमा उद्धार उडान सञ्चालन गर्न लागेको एयरलाइन्सका प्रवक्ता सुवास डाँगीले जानकारी दिए । 

उनका अनुसार उक्त उडानमा अशक्त, वृद्धवृद्धा, बिरामी तथा अत्यावश्यक यात्रुहरूलाई विशेष प्राथमिकता दिइने छ।

उडान काठमाडौंबाट दिउँसो १ बजे र भैरहवाबाट काठमाडौंका लागि दिउँसो २:४५ बजे प्रस्थान गर्ने तालिका तय गरिएको छ। यात्रुहरूलाई अधिकतम ३० केजी सम्म लगेजको अनुमति दिइएको डाँगीले जानकारी दिए ।

भाडादरका लागि काठमाडौं–भैरहवा सेक्टरमा रु. ५ हजार र भैरहवा–काठमाडौं सेक्टरमा रु. ७ हजार तोकिएको छ।