पार्टी एकताबारे एकीकृत समाजवादीमा मतभेद

काठमाडौँ । एकीकृत समाजवादीले पार्टी एकताका लागि गठन गरेको कार्यदल र लिइएका आधारबारे सो पार्टीमा मतभेद देखिएको छ ।

असोज १० गते अध्यक्ष माधवकुमार नेपालले अपानी जारी गर्दै वरिष्ठ नेता बेदुराम भुसालको संयोजकत्वमा पार्टी एकताका लागि तीन सदस्यीय कार्यदल गठन गरेको जनाएका थिए । कार्यदललाई माओवादी केन्द्रसहित कम्युनिस्ट पार्टीहरूसँग एकताका लागि वार्ता गर्ने कार्यादेश दिइएको थियो । तर पार्टीभित्र छलफल नै नगरी अपानि जारी भएको भन्दै नेताहरूले आपत्ति जनाएका हुन् ।

पार्टी एकता कार्यदलमा वरिष्ठ नेता प्रमेश हमाल र उपाध्यक्ष प्रकाश ज्वाला सदस्य तोकिएका छन् । तर, उक्त कार्यदल र जारी अपानिप्रति पोलिटब्युरो सदस्य एवम् प्रचार विभाग उपप्रमुख दामोदर अर्यालले फरक मत राख्दै तत्काल केन्द्रीय कमिटी बैठक बोलाउन माग गरेका छन् ।