टेक्सस बाढी: मृतकको संख्या १२० पुग्यो

एजेन्सी

शनिबार, २८ असार २०८२, ०७ : ४४
टेक्सस बाढी: मृतकको संख्या १२० पुग्यो

एजेन्सी । अमेरिकाको टेक्सस राज्यमा केही दिनअघि अचानक आएको बाढीमा परी मृत्यु भएकाको संख्या १२० पुगेको छ भने १६१ जना अझै बेपत्ता रहेको बीबीसीले जनाएको छ। 

यसैबीच अमेरिकाका राष्ट्रपति डोनाल्ड ट्रम्प पत्नी मेलानियासँगै बाढीग्रस्त क्षेत्र अवलोकन गर्न जाने भएका छन्। यस क्रममा उनीहरूले टेक्ससको शहर केर्भिलमा उद्धारकर्मी र बाढीपीडित परिवारलाई भेट्न सक्छन्।

वासिङ्टनबाट निस्कने क्रममा ट्रम्पले भने, ‘कसैले पनि विश्वास गर्न सक्दैन- यति छिटो यति धेरै पानी।’यही असार २० गते भीषण आँधीबेहरीसँगै ग्वाडालुप नदीमा भयानक बाढी आउँदा टेक्ससमा ठूलो विनाश भयो। 

केही घण्टामै ठूलो वर्षा भयो। नदीमा पानीको सतह बढ्दा घर, सडक र सवारीसाधन डुबे।

ग्वाडालुप नदीको किनारमा अवस्थित क्रिस्चियन शिविर 'मिस्टिक'मा रहेका कम्तीमा २७ जना किशोरी र कर्मचारीको मृत्यु भयो।

प्रतिक्रिया दिनुहोस