इजरायलमाथि पहिलोपटक इरानद्वारा खैबर-शाकान ब्यालेस्टिक क्षेप्यास्त्र प्रहार

इरान । इरानले आक्रमणको बीसौं लहरमा आज पहिलोपटक खैबर-शाकान बहु-वारहेड ब्यालिस्टिक मिसाइल प्रयोग गरेको छ । इरानकाे इस्लामिक रिभोलुसनरी गार्ड कोर्प्सको जनसम्पर्क कार्यालयले अपरेशन प्रमिस ३ को बीसौं लहर अन्तर्गत आज ४० वटा ठोस र तरल इन्धन क्षेप्यास्त्रहरूको प्रहार गरिएको जनाएको छ ।

यस अपरेशनमा एयरोस्पेस मिसाइलहरूको तेस्रो पुस्ताको खैबर-शाकान बहु-वारहेड ब्यालिस्टिक मिसाइल पहिलो पटक प्रयोग गरिएको थियो । जसले अझ सटीक, विनाशकारी र प्रभावकारी प्रहारको लागि नयाँ र आश्चर्यजनक रणनीतिहरू प्रयोग गरेको इरानले जनाएको छ ।

आज इजरायलको जैविक अनुसन्धान केन्द्र र वैकल्पिक कमाण्ड र नियन्त्रण केन्द्रहरू, बेन-गुरियन विमानस्थलमा निर्देशित क्षेप्यास्त्रहरू प्रहार गरिएको इरानले जनाएको छ । ती क्षेप्यास्त्र अवतरणको समयमा वारहेडलाई चलाउन सक्षम थिए, प्रभावको क्षणसम्म निर्देशित थिए, र विभिन्न प्रकारका उच्च-विस्फोटक र विनाशकारी वारहेडहरूले सुसज्जित रहेको इरानक रिभोलुसनरी गार्ड कोर्प्सको दाबी छ । रिभोलुसनरी गार्ड कोर्प्सले इरानको सशस्त्र सेनाको क्षमताको मुख्य भागहरु अझै परिचालन नगरिएको भन्दै ती अझै घातक रहेकाे दावी गरेकाे छ ।