आरिफ घाइते नभएको क्यानको प्रष्टोक्ति

काठमाडौँ । नेपाल र नेदरल्यान्ड्सबीच हिजो भएको म्याचमा टिटायर्ड हर्ट भएका ब्याट्सम्यान आरिफ शेख घाइते नभएको नेपाल क्रिकेट संघ (क्यान) ले जनाएको छ । उनी आज हुने स्कटल्यान्डविरुद्धको अन्तिम खेलमा उपलब्ध छन् ।

हिजोको म्याचमा उत्कृष्ट ब्याटिङ गरेका आरिफले २३ बलमा ३९ रनको विस्फोटक पारी खेल्दै नेपाललाई जित नजिक पुर्‍याएका थिए । तर, १९ औँ ओभरको अन्तिम बलपछि उनी मैदानबाट बाहिरिनुपर्‍यो । अर्को इन्डमा रहेका उपकप्तान दीपेन्द्रसिंह ऐरीको स्पिडमा विकेटको बीचमा दौडिँदा उनलाई सकस परेको थियो ।

अन्तिम ओभरमा जितका लागि ७ रन चाहिँदा आरिफ बाहिरिएपछि लोकश बम क्रिजमा आएका थिए, जसले दुई छक्का हान्दै नेपाललाई जिताए ।आरिफलाई सामान्य क्र्याम्प मात्रै भएको क्यानलेले जनाएको छ ।