स्पेन भ्रमणपछि होला त प्रधानमन्त्री ओलीको भारत भ्रमण ?

काठमाडौ । प्रधानमन्त्री केपी ओलीलाई भारत भ्रमण गराउनेमा भारत सकारात्मक रहेको दावी एमाले नेताहरुले गरेका छन् ।

गत वर्ष प्रधानमन्त्री बनेयता एमाले अध्यक्ष समेत रहेका प्रधानमन्त्री ओलीले दक्षिणी छिमेकी मुलुक भारतको भ्रमण गर्न निक्कै कसरत गरेका थिए । यद्यपि, भारतले ओलीको भ्रमणमा अनिच्छा देखाउँदा उनको भारत भ्रमण हुन सकिरहेको थिएन ।

तर पछिल्लो पटक भारत प्रधानमन्त्री ओलीको भ्रमणका लागि सकारात्मक देखिएको नेकपा एमालेका एक नेताले बताए । उनका अनुसार, प्रधानमन्त्री ओलीले अब स्पेन भ्रमणपछि भारतको भ्रमण गर्ने गरी प्रारम्भिक तयारी सुरु भएको छ । ओली असार १६ देखि १९ सम्म स्पेनको सेभिलमा आयोजना हुने चौथो संयुक्त राष्ट्र संघीय विकास वित्तपोषण सम्बन्धी अन्तर्राष्ट्रिय सम्मेलनमा भाग लिन स्पेन जाने कार्यक्रम छ ।

परराष्ट्र मन्त्रालयले उनको यो भ्रमणको तयारी अन्तिम चरणमा पु¥याएको छ । त्यसपछि भारत भ्रमण गराउने गरी भारतीय पक्षबाट आएको प्रारम्भिक सकारात्मक सन्देशसहित त्यसको पनि तयारी शुरु गरेको छ ।

भारतले नेपालका दुई ठूला दल कांग्रेस र एमालेबीचको गठबन्धन सरकारलाई नरुचाएको कारण ओलीको भ्रमण हुन नसकिरहेको विश्लेषण नेपालमा हुने गरेको छ । तर यी दुई पार्टीको सरकार तलमाथी तत्काल नहुने देखेपछि भारतले पनि ओलीलाई अब भारत भ्रमण गराउन खोजेको देखिएको छ ।

ओली गत वर्ष असार अन्तिम साता प्रधानमन्त्री बनेका थिए । त्यसयता उनले आफनो तर्फबाट र परराष्ट्रमन्त्री डा. आरजु राणा देउवा र पार्टी नेताहरु समेत परिचालन गरेर भारत भ्रमणमा जान आतुर गरेपनि भारतले हरियो झन्डा नदेखाउदा उनको भ्रमण हुन सकिरहेको थिएन । यद्यपि, ओलीले भारतीय प्रधानमन्त्री नरेन्द्र मोदीलाई बाह्य मुलुकमै दुई पटक भेट गरिसकेका छन् ।

प्रधानमन्त्रीको रूपमा ओलीले संयुक्त राष्ट्र संघको महासभा र छैटौं बिमस्टेक शिखर सम्मेलनको छेउमा क्रमशः न्यूयोर्क र बैंककमा भारतीय समकक्षी नरेन्द्र मोदीलाई दुई पटक भेटेका छन् । तर उनले दिल्ली भ्रमणमा देखाएको रुचीमा भारतीय पक्षको सकारात्मक सन्देश नआउँदा ओलीको भारत भ्रमण हुन सकरिहेको थिएन ।

भारतले नेपालका दुई ठूला दल कांग्रेस र एमालेबीचको गठबन्धन सरकारलाई नरुचाएको कारण ओलीको भ्रमण हुन नसकिरहेको विश्लेषण नेपालमा हुने गरेको छ । तर यी दुई पार्टीको सरकार तलमाथी तत्काल नहुने देखेपछि भारतले पनि ओलीलाई अब भारत भ्रमण गराउन खोजेको देखिएको छ ।

एमाले नेताहरुका अनुसार, असार भित्रै प्रधानमन्त्रीको भारत भ्रमण गराउन भारत सकारात्मक देखिएको थियो । तर भारत पाकिस्तानका बीचमा पहलगाम घटनापछि यो मिति केही पछाडी धकेलिएको एमाले नेताहरु बताउँछन् । अब स्पेनको भ्रमणपछि ओलीको भारत भ्रमण हुने सम्भाबना बढेर गएको छ ।

ओलीसँग भारत विभिन्न घटनाक्रमका कारण चिढिएको थियो । खासगरी, ओलीले भारतप्रति गर्ने टिप्पणीलगायतका कारण भारत ओलीसँग सन्तुष्ट थिएन । सोही कारण ओलीले भारत भ्रमणमा जान चाहेपनि हुन सकिरहेको थिएन । यधपी, अब असार अन्तिम साता या साउन दोस्रो सातासम्ममा ओलीको भारत भ्रमण गराउने गरि प्रारम्भिक तयारी सुरु भएको एमाले नेताहरुको दावी छ ।