अभियानमा सहभागी हुन बाँके पुगे ‘प्रचण्ड’

काठमाडौँ । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले राप्ती नदीले कटान गरेको क्षेत्रको अनुगमन गरेका छन् ।  उक्त क्षेत्रमा तटबन्धन निर्माण नहुँदा बाँकेको फत्तेपुर वडा नम्बर ७ र नरैनापुर क्षेत्र प्रभावित हुँदै आएको छ । सो स्थानमा संघीय सरकारबाट विनियोजित बजेटमार्फत काम सुरु भइसकेको छ।  

अनुगमनका क्रममा अध्यक्ष दाहालले तत्काल हुनसक्ने क्षतिको न्यूनीकरण (ड्यामेज कन्ट्रोल)का लागि उपलब्ध बजेटबाट काम अघि बढाउन आयोजना प्रमुखलाई निर्देशन दिएका थिए । अनुगमनपछि अध्यक्ष दाहालले थप बजेटका लागि पनि पहल गर्ने प्रतिबद्धता पनि व्यक्त गरेका थिए ।  

अध्यक्ष दाहाल “जनतासँग माओवादी तराई मधेस जनजागर अभियान” अन्तर्गत बाँकी कार्यक्रमहरूमा सहभागी हुन बाँके पुगेका हुन् । अभियान टोली बाँके, बर्दिया र कैलाली हुँदै वैशाख १७ गते कञ्चनपुरमा पुगेर अभियानको समापन गर्ने कार्यक्रम रहेको छ।