भोलिको बैठकमा अनिवार्य उपस्थित हुन सांसदहरुलाई काँग्रेसको निर्देशन

काठमाडौँ । नेपाली काँग्रेसले पार्टीका सांसदहरूलाई भोलि बस्ने प्रतिनिधि सभा बैठकमा अनिवार्य उपस्थित हुन ह्विप जारी गरेको छ।

भोलिको बैठकमा अध्यादेश पारित गर्नको लागि पेश गर्ने भएकाले काँग्रेसले पार्टीका सांसदहरुलाई अनिवार्य उपस्थित हुने निर्देशन गरेको हो।

काँग्रेसका प्रमुख सचेतक श्याम घिमिरेले बैठकमा अनिवार्य उपस्थित हुन सांसदहरुलाई म्यासेज पठाएका छन्।

जसपा नेपालसँग भूमिबाहेक अन्य पाँच अध्यादेश निर्णयार्थ पेश गर्ने सहमति भएपछि सरकारले भोलि सदनमा पेश गर्दैछ।

भूमि अध्यादेश अस्वीकार गर्ने जसपा नेपालको निर्णयपछि सरकारले अध्यादेश निर्णयार्थ पेश गर्न ढिलाइ गरेको थियो।