तीर्थयात्री बोकेको बस धादिङमा दुर्घटना : एक जनाको मृत्यु, २३ जना घाइते

काठमाडौँ । भक्तपुरबाट तीर्थयात्री बोकेको बस धादिङमा दुर्घटना हुँदा एक जनाको मृत्यु भएको छ । दुर्घटनामा २३ जना घाइते भएका छन् । घाइते मध्ये ३ जनाको अवस्था गम्भीर रहेको छ ।

भक्तपुरबाट चितवनको देवघाट तर्फ जाँदै गरेको बा ३ ख ८९२३ नं.को बस आफै अनियन्त्रित भई आइतबार राति करिब १० बजेको समयमा धादिङको थाक्रे गाउँपालिका-७ सातकिलास्थित पृथ्वीलोकमार्गमा दुर्घटना भएको थियो । दुर्घटनामा परेर दोलखा भिरकोट गाउँपालिका बस्ने ५० वर्षीय पार्बती काफ्ले नेपाल प्रहरी अस्पताल महाराजगन्जमा उपचारको क्रममा मृत्यु भएको नेपाल प्रहरीले जानकारी दिएको छ । ।

यस्तो छ घाइते तथा मृतकको सूची :

साइबाबा अस्पताल धार्के धादिङमा उपचारार्थ घाइते:-

१) बस चालक जि.दोलखा बस्ने वर्ष ३६ को  जित ब.मगर (९८६१७५८३९०) टाउको/हातमा चोट,अवस्था मध्यम ।  

बाँसबारी न्युरो अस्पताल काठमाडौँमा उपचारार्थ घाइते:-

१) जिल्ला ललितपुर बस्ने वर्ष ५३ कि शान्ता अधिकारी टाउकोमा चोट अवस्था गम्भीर । 

२) जिल्ला काठमाडौँं जोरपार्टी बस्ने वर्ष ६८ कि जानुका हुमागाईँ टाउकोमा चोट अवस्था गम्भीर । 

३)जि.काठमाडौँं जोरपाटी बस्ने शिव प्रसाद हुमागाईँ टाउकोमा चोट,अवस्था मध्यम ।

४)जि.काठमाडौँं जोरपाटी बस्ने वर्ष ४२ को समिता हुमागाईँ,मुखमा चोट,अवस्था सामान्य,(९८४९३१२९६९) ।

५)जि.ललितपुर महालक्ष्मी बस्ने वर्ष ४६ कि पबित्रा रावत,टाउको/हातमा चोट,अवस्था मध्यम ।