धनगढी। कैलालीबाट लागूऔषधसहित प्रहरीले दुई जनालाई पक्राउ गरेको छ। रोशन गुरूङ र कबिन्द्र बखरिया पक्राउ परेका छन्। गोदावरी नगरपालिका-२ बस्ने २० वर्षीय रोशन गुरूङको घरमा खानतलासी गर्दा कोठामा रहेको फ्रिजमा चुरोटको डब्बाभित्र लुकाई राखेको अवस्थामा १ ग्राम ५४० मिलिग्राम लागूऔषध फेला पारी उनलाई पक्राउ गरेको इलाका प्रहरी कार्यालय मालाखेतीले जनाएको छ। उनको साथबाट नगद १० हजार समेत फेला पारी नियन्त्रणमा लिइएको हो।
यस्तै गौरिगंगा नगरपालिका वडा नम्बर–८ घर भई हाल धनगढी उपमहानगरपालिका वडा नम्बर–७ देबरीया स्थित राधेश्याम श्रेष्ठको घरमा कोठा गरी बस्ने २७ वर्षीय कबिन्द्र बखरीयाको कोठामा चेकजाँच गर्दा उनले लुकाई राखेको १ ग्राम ८३० मिलिग्राम लागूऔषध फेला पारी उनलाई पक्राउ गरिएको जिल्ला प्रहरी कार्यालय कैलालीले जनाएको छ।
कबिन्द्रको साथबाट नगद ३६ हजार र लागूऔषध फेला पारी नियन्त्रणमा लिई आवश्यक कारबाहीको लागि जिल्ला प्रहरी कार्यालय कैलालीमा राखि थप अनुसन्धान भइरहेको प्रहरीले जनाएको छ।
प्रतिक्रिया दिनुहोस
सफल खबर संवाददाता
शनिबार, २२ बैशाख २०८१, १४ : ३७
लेखकबाट थप
सम्बन्धित समाचारहरु
मोरङबाट खैरो हेरोइनसहित युवक पक्राउ
आफ्नै बच्चाको हत्या गर्ने महिला पक्राउ
धारिलो हतियार प्रहार गरी फरार रहेका ९ जना पक्राउ
सुर्खेत गोलीकाण्डका मुख्य अभियुक्त गिरी पक्राउ
अवैध लागूऔषधसहित विभिन्न स्थानबाट १० जना पक्राउ
इन्टरपोलबाट रेड नोटिस जारी भएका २ जनालाई युएईबाट पक्राउ