विभिन्न स्थानमा तीन जना मृत अवस्थामा फेला

काठमाडौँ । मनाङको नासो गाउँपालिका-७ सामुदायिक चौँरी गोठमा चौँरी हेरचाह गरी बस्ने हाल नाम, थर, वतन नखुलेका अन्दाजी ६५ वर्षीय पुरुष बिहीबार मृत अवस्थामा फेला परेका छन् ।

यता गोरखाको आरूघाट गाउँपालिका-३ स्वाँरा गाउँ बस्ने ४२ वर्षीय अमर बहादुर आले सोही ठाउँ कुहिरे फाँटस्थित बुढीगण्डकी नदीको किनारमा बिहीबार मृत अवस्थामा फेला परेका छन् ।

कपिलवस्तु, बुद्धभुमि नगरपालिका-२ गोरुसिंगेस्थित तिलौराकोट साझेदारी वन नजिक सडकको कलभर्ट मुनी हाल नाम, थर, वतन नखुलेकी अन्दाजी ४५ बर्सिया महिला बिहीबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।