दाङको देउखुरीमा बस दुर्घटना, १३ जना घाइते

बुटवल। बुटवलबाट सुर्खेतका लागि छुटेको यात्रुबहाक बस दाङको देउखुरीमा दुर्घटना भएको छ । दुर्घटनामा परी १३ जना यात्रु घाइते भएका छन् ।लमही नगरपालिका–३ वनगाउँमा दुई वटा बस एक-आपसमा  ठोकिँदा दुर्घटना भएको वडा प्रहरी कार्यालय लमहीका प्रहरी निरीक्षक शंकर श्रेष्ठले जानकारी दिए ।

बुटवलबाट सुर्खेतका लागि छुटेको लु १ ख ७३६३ नम्बरको बस र तुलसीपुरबाट बुटवलका लागि छुटेको रा १ ख २५८१ नम्बरको बस एक-आपसमा ठोकिएका थिए ।दुर्घटना दुवै बसमा सवार यात्रु घाइते भएको प्रहरीले जनाएको छ ।

सामान्य घाइतेहरूको अहिले लमही अस्पतालमा उपचार भइरहेको छ भने गम्भीर घाइतेलाई बुटवल ल्याउने तयारी भइरहेको प्रहरीले जनाएको छ ।