काठमाडौं । मंगलबार पनि सेयर बजार परिसूचक नेप्से सामान्य अंकले घट्न पुगेको छ । अघिल्लो दिन ६ अंकले घट्दै २ हजार १२ अंकमा झरेको नेप्से सूचक मंगलबार थप १.८५ अंकले घट्दै २ हजार १०.२१ अंकमा झरेको हो ।
तर, आज क वर्गको सेन्सेटिभ इन्डेक्स भने ०.५३ अंकले बढ्दै ३५६.२० अंकमा उक्लिएको नेपाल स्टक एक्सचेञ्जले जनाएको छ ।
करिब २ अंकले नेप्से घटेको यस दिन २ अर्ब २९ करोड १६ लाख ४५ हजार रुपैयाँ बराबरको ६१ लाख ३१ हजार कित्ता सेयर दोस्रो बजारमा कारोबार भएको छ । अघिल्लो दिन ६ अंकले नेप्से घटेको बजारमा २ अर्ब ८७ करोड ४७ लाख रुपैयाँ बराबरको ७२ लाख ९० हजार कित्ता सेयर कारोबार भएको थियो ।
आज फाइनान्स, इन्भेस्टमेन्ट, लाइफ इन्स्योरेन्स, माइक्रोफाइनान्स, म्युचुअल फन्ड र ट्रेडिङ समूहको उपसूचका धनात्मक भएका छन् भने बैंकिङ, डेभलपमेन्ट बैंक, होटल तथा पर्यटन, म्यानु एण्ड प्रो, नन् लाइफ इन्स्योरेन्स र अन्य समूहको उपसूचक ऋणात्मक भएका छन् ।
आज १०९ कम्पनीको सेयर मूल्य बढ्दा १२७ कम्पनीको घटेको छ भने ८ वटा कम्पनीको मूल्य स्थिर रहेको छ ।आज पनि गुँरास लघुवित्त वित्तीय संस्थाका सेयरधनीहरुले १० प्रतिशतले कमाएका छन् भने ज्योति विकास बैंक बोण्ड २०८७ का लगानीकर्ताले ७.५० प्रतिशतले गुमाएका छन् ।
प्रतिक्रिया दिनुहोस
सफल खबर संवाददाता
मंगलबार, २० चैत्र २०८०, १६ : २३
लेखकबाट थप
सम्बन्धित समाचारहरु
नेप्सेमा सामान्य गिरावट
सामान्य अंकले बढ्यो नेप्से, २ अर्ब ५३ करोडको कारोबार
दोहोरो अंकले बढ्यो सेयर बजार
नेप्सेमा दोहोरो अंकको गिरावट, २ अर्ब ७९ करोडको कारोबार
नेप्सेमा सामान्य गिरावट
नेप्से दोहोरो अंकले घट्यो, ३ अर्ब ४८ करोडको कारोबार