विदेशी लगानी आकर्षित गर्न दर्जन कानुन संशोधन हुँदैछ : मन्त्री शर्मा

काठमाडौँ । सञ्चार तथा सूचना प्रविधि मन्त्री रेखा शर्माले सरकारले एकै पटक एक दर्जन कानुन संशोधन गर्न लागेको बताएकी छन् ।

आज आयोजित नेपाल इटाली चेम्बर अफ कमर्स र इन्डस्ट्रीको १०औ वार्षिक साधारण सभामा बोल्दै मन्त्री शर्माले विदेशी लगानी ल्याउन दर्जनभन्दा बढी कानुन संशोधन गर्न लागेको बताएकी हुन् ।

उनले कार्यक्रममा बोल्दै यही वैशाखमा सरकारले आयोजना गर्न लागेको तेस्रो लगानी सम्मेलनलाई ध्यानमा राखेर कानुन संशोधन गर्न लागेको बताएकी हुन् । उनले भनिन्, ‘सो लगानी सम्मेलनमा नेपालको मित्र राष्ट्र इटालीबाट धेरै लगानीकर्ता ल्याउन सङ्घले भूमिका खेल्न सक्छ ।’