साताको सेयर बजार– परिसूचकसँगै घट्यो कारोबार रकम

काठमाडौँ । यो साता नेपाल स्टक एक्सचेञ्ज (नेप्से) परिसूचक ३२.३ अंकले घटेर बन्द भएको छ । गत साताको तुलनामा यो साताको कारोबार अवधिमा परिसूचक उच्च अंकले घट्दै २०४८.५७ अंकमा आएर रोकिएको हो ।

साताको ५ कारोबार दिनमध्ये एक दिन मात्रै नेप्से परिसूचकमा वृद्धि आयो । आइतबार १०.६२ अंकले घटेको नेप्से सोमबार भने ३.२७ अंकले बढ्यो । यस्तै, मंगलबार ६.२४ अंकले र बुधबार ३.३४ अंकले घट्यो । अन्तिम कारोबार दिन बिहीबार १५.३७ अंकले घट्दै समग्रमा १.५५ प्रतिशतले घट्यो ।

यो साता सेन्सेटिभ इन्डेक्स, फ्लोट इन्डेक्स र सेन्सेटिभ फ्लोट इन्डेक्समा समेत गिरावट आएको छ । सबैजसो सूचकमा गिरावट आएको साता कारोबार रकम पनि घटेको छ । यो साता नेप्सेमा १७ अर्ब ७० करोड रुपैयाँको कारोबार भएको छ । जुन, औसत दिनमा ५ अर्ब ५४ करोडको कारोबार हो ।

गत साता नेप्सेमा ४ दिन कारोबार भएको थियो । गत साताको सोमबार भने ग्याल्पो लोसार भएकाले कारोबार बन्द थियो । ४ कारबोर दिनमा नेप्सेमा १५ अर्ब ६८ करोड रुपैयाँको कारोबार भएको थियो । जुन, औसत दिनमा ३ अर्ब ९२ करोड रुपैयाँको कारोबार हो ।

यो साता कारोबार रकम र परिसूचक समेत घट्दा नेप्से बजार पूँजीकरण ३२ खर्ब ४८ अर्ब २५ करोड रुपैयाँमा आइपुगेको छ । गत साताको अन्तिम कारोबार दिनसम्ममा यो ३२ खर्ब ७० अर्ब रुपैयाँ थियो । यो २२ अर्ब अर्थात ०.६९ प्रतिशतको गिरावट हो ।