डेढ करोड रुपैयाँसहित ८ जना पक्राउ

बाँके । बाँकेमा प्रहरीले स्रोत नखुलेको डेढ करोड रुपैयाँसहित ८ जनालाई पक्राउ गरेको छ। 

जिल्ला प्रहरी कार्यालयले बिहीबार (चैत १ गते) सार्वजनिक गरेको विवरण अनुसार गत फागुन २७ र २८ गते गरी स्रोत नखुलेको १ करोड ५६ लाख २८ हजार ३ सय रुपैयाँ बरामद गरेको हो। 

जिल्लाको नेपालगन्ज उपमहानगरपालिका–४ गणेशपुर, नेपालगन्ज उपमहानगरपालिका–२, पुष्पलाल र नेपालगन्ज उपमहानगरपालिका–१ सानिमा बैंकनजिकबाट बरामद उक्त रकमसहित सो रकम कारोबारमा संलग्न आरोपमा प्रहरीले ८ व्यक्तिलाई पक्राउ गरेको हो।