संघीय सरकारबाट प्राकृतिक स्रोत साधनलाई राष्ट्रिय हितमा उपयोग भएन : प्रदेश प्रमुख शेरचन

रुपन्देही । लुम्बिनी प्रदेशका प्रदेश प्रमुख अमिक कुमार शेरचनले संघीय सरकारबाट नै प्राकृतिक स्रोत साधनको उपयोगमा उदासिन भएको बताएका छन । उनले राष्ट्रिय प्राकृतिक स्रोत तथा वित्त आयोग बुटवलमा बुझाएको प्रतिवेदन बुझ्दै राष्ट्रिय रुपमा नै स्वदेशमा उपलब्ध स्रोत र साधनको निर्यात गर्ने गरि संघीय ऐन नै आउनु पर्ने बताए ।

प्रदेश प्रमुख शेरचनले सरकारले नै आयोगको प्रतिवेदन बुझाउने औपचारीकता मात्रै रहेको बताएका थिए । उनले प्रदेशमा संसदीय समिति गठन गरेर प्रतिवेदनमाथि छलफल गर्नु पर्नेमा जोड दिए । प्रदेशमा राजश्व बाडफाँडमा कमी कमजोरी र ढिलाई गर्न नहुने उनले बताए ।

राष्ट्रिय प्राकृतिक स्रोत तथा वित्त आयोगका अध्यक्ष वालानन्द पौडेलले प्रतिबेदन प्रस्तुत गर्दै संघ, प्रदेश र स्थानीय तहकाबिचमा राजश्व बाडफाँड, उपयोगलगायतका बिषयमा कमि कमजोरी भएको बताए ।

राष्ट्रिय प्राकृतिक स्रोत तथा वित्त आयोगका पदाधिकारी, प्रदेश प्रमुख कार्यलयका कर्मचारी र संञ्चालरकर्मीहरुको सहभागीता रहेको कार्यक्रमको संञ्चालन प्रदेश प्रमुख कार्यालय प्रमुख धर्मा अर्यालले गरेका थिए ।