१ करोड बढी विदेशी मुद्रासहित ३ भारतीय दरबारमार्गबाट पक्राउ

काठमाडौ । नेपाल प्रहरीले काठमाडौंको दरबारमार्गस्थित क्यासिनो प्यालेसबाट एक करोड आठ लाखभन्दा बढी विदेशी मुद्रासहित तीनजना भारतीय नागरिकलाई पक्राउ गरेको छ । 

पक्राउ पर्नेमा गुलाब सिंह, रिसब पावा र गौरव चोपडा रहेको जिल्ला प्रहरी परिसर, काठमाडौंका प्रवक्ता तथा प्रहरी उपरीक्षक कुमुद ढुंगेलले लोकान्तरलाई जानकारी दिए ।

‘क्यासिनो प्यालेसको अन्डरग्राउन्डमा अनलाइनमार्फत सट्टेबाजी गराएको आरोपमा उनीहरूलाई पक्राउ गरिएको हो,’ उनले भने, 'उनीहरूको साथबाट एक करोड आठ लाख नौ हजार बराबरको विदेशी मुद्रा बरामद गरिएको छ ।’