टिकटक बन्दविरुद्धको रिट न्यायाधीश माथेमा र शर्माको इजलासमा

काठमाडौं। टिकटक बन्द गर्ने सरकारको निर्णयविरुद्ध परेको रिटमा सर्वोच्च अदालतमा आजदेखि सुनुवाइ हुँदैछ ।न्यायाधीश सुष्मलता माथेमा र प्रकाश शर्माको इजलाशमा रिटको सुनुवाइ हुन लागेको हो । टिकटक बन्दविरुद्धका रिट मंगलवारको पेशीको पुछारतिर परेको छ । रिटको पेशी २६औं नम्बरमा छ ।

अधिवक्ता स्वागत नेपालसहितले दायर गरेका रिटमाथि यसअघि सर्वोच्चले प्रारम्भिक सुनुवाइ गर्दै कारण देखाउ आदेश जारी गरेको थियो ।सरकारले कात्तिक २७ गते नेपालमा टिकटक बन्द गर्ने निर्णय गरेको थियो । सरकारको निर्णयविरुद्ध परेका रिटमा सर्वोच्चले मंसिर ५ गते कारण देखाउ आदेश जारी गरेको थियो ।