काठमाडौँ । नेकपा एमाले अध्यक्ष केपी शर्मा ओलीले पहिचानको नाममा देशलाई अस्थिरतामा फसाउने षड्यन्त्र भइरहेको बताएका छन् । शनिबार काठमाडौँमा आयोजित नेपाल संवत् ११४४ को शुभकामना आदानप्रदान कार्यक्रमलाई सम्बोधन गर्दै उनले पहिचानको नाममा अस्थिरतामा फसाउने र देशका विरुद्धमा विभिन्न षड्यन्त्र भइरहेको बताएका हुन् ।
‘हाम्रो देशका विरुद्ध षड्यन्त्र भइरहेको छ । हाम्रो देशलाई अस्थिरतामा फसाउने षड्यन्त्र भइरहेको छ,’ उनले भने, ‘पहिचानका नाममा, जातका नाममा, धर्मका नाममा, अनेक नाममा विभाजित गर्ने काम भइरहेको छ । द्वन्द्व मच्चाउने प्रयास भइरहेको छ । ’वर्तमान सरकारले राजनीतिक अस्थिरता र अराजकतालाई नियन्त्रण गर्नुको सट्टा उल्टै प्रोत्साहन गर्ने काम गरिरहेको आरोप अध्यक्ष ओलीले लगाए । ‘अहिलेको सरकारले राम्रो काम गर्न सकेको छैन । राजनीति अस्थिर, अराजक बनाएको छ ।
अराजकतालाई नियन्त्रण गर्नुको सट्टा प्रोत्साहन गर्ने काम गरिरहेको छ,’ उनले भने, ‘गुन्डालाई गिरफ्तार गर्ने होइन गिरफ्तार भएको गुन्डालाई सरकारले छोड्न लगाउँछ ।’राजसंस्था फर्काउनु पर्छ भन्नेहरूलाई लक्ष्य गर्दै उनले एकाधिकार व्यक्तिमा केन्द्रित शासन जनताको रोजाइ नभएको बताए । लक्षित जन्मिँदै कोही राजा हुने र जनताभन्दा एउटा व्यक्ति ठूलो हुने कुरा कुनै सचेत नेपाली जनताले स्वीकार गर्न नसक्ने उनको जिकिर थियो ।
प्रतिक्रिया दिनुहोस
सफल खबर संवाददाता
शुक्रबार, ०८ मंसिर २०८०, २१ : ३१
लेखकबाट थप
सम्बन्धित समाचारहरु
डोजरले समस्या समाधान हुँदैन : केपी ओली
मर्यादित श्रमको वातावरण निर्माण गर्नेतर्फ अग्रसर हुनुपर्छ : अध्यक्ष ओली
सुहाङको विजय सभामा सहभागी हुन ओली इलाममा
इलाममा काँग्रेस लक्षित ओलीको प्रश्न-एउटा बाटो बनाउन नसक्नेले देश बनाउँछ ?
प्रधानमन्त्री प्रचण्ड र ओलीबीच भेटवार्ता
दक्षिणपन्थी अवसरवाद जनमतबाट अस्वीकृत भए : केपी ओली