क्रिकेटलाई प्रोत्साहन गर्न क्यान र डिशहोम फाइवरनेटबीच साझेदारी

काठमाडौं। डिश मिडिया नेटवर्क लिमिटेड (डिशहोम फाइवरनेट), नेपालको एक अग्रणी इन्टरनेट सेवा प्रदायकले टी २० विश्वकप फाइनल एसिया छनोटमा नेपाल टोलीलाई समर्थन गर्न नेपाल क्रिकेट संघ (क्यान)सँग सम्झौता गरेको छ।​

डिशहोम फाइवरनेट र क्यानबीचको सहकार्यले जब अन्तर्राष्ट्रिय मञ्चमा छाप बनाउन प्रयासरत नेपाल टोलीलाई मद्दत पुग्ने कम्पनीको विश्वास छ ।डिशहोम फाइवरनेटको सहयोगमा टोलीले आर्थिक अवरोधविना आफ्नो प्रदर्शनमा ध्यान केन्द्रित गर्न सक्ने  कम्पनीले जनाएको छ ।​

डिशहोम फाइवरनेटका कार्यकारी उपाध्यक्ष रमेश सापकोटाले नेपाली टोलीलाई समर्थन गर्न र नेपाली क्रिकेटको प्रवर्द्धन गर्न पाउँदा उत्साहित भएको बताए । ‘हाम्रो प्रतिबद्धता क्यानलाई आवश्यक स्रोत र सहयोग उपलब्ध गराउनु हो’ उनले भने ।