३१ लाख रुपैयाँसहित भारतीय नागरिक विमानस्थलबाट पक्राउ

काठमाडौँ । त्रिभुवन अन्तर्राष्ट्रिय विमानस्थलबाट प्रहरीले अवैध डलरसहित भारतीय नागरिकलाई पक्राउ गरेको छ । पक्राउ पर्नेमा तिब्बत मूलका भारतीय नागरिक थिन्ले छोदेन छन् । 

थिन्लेको साथबाट १६ हजार ४३० अमेरिकी डलर, ५४ हजार ४५१ चिनियाँ युआन र ५ हजार भारतीय रुपैयाँ बरामद गरिएको त्रिभुवन विमानस्थल सुरक्षा कार्यालयका डिआईजी अर्जुन चन्द ठकुरीले रातोपाटीलाई बताए । चीनको सिचुआन प्रान्तबाट आएका छोदेन विमानस्थलमा ओर्लेर दिल्लि उड्न लागेको अवस्थामा पक्राउ परेका हुन् । 

उनी भारतको धर्भशालामा बस्ने गरेको थाहा भएको छ । छोदेनबाट बरामद डलर र चिनियाँ रुपैयाँ नेपाली ३१ लाख ८० हजार बराबर छ ।