काठमाडौं। नेपाली सेना र अमेरिकी सेनाबीच नियमित रुपमा सञ्चालन हुँदै आएको जोइन्ट कम्बेन्ड एक्सचेन्ज ट्रेनिङको ४० औं संस्करण काठमाडौंमा हुने भएको छ ।यही भदौ २४ गतेबाट हुने संयुक्त अभ्यास तथा प्रतिस्पर्धामा नेपाली सेनाका ३० र अमेरिकी सेनाका १२ जना गरी ४२ जनाको सहभागिता रहने नेपाली सेनाले जनाएको छ ।
नेपाली सेनाका अनुसार उक्त अभ्यासमा विपद् व्यवस्थापन, खोज तथा उद्धार, मानवीय सहायता लगायतका विषयहरूमा अनुभव तथा ज्ञान आदानप्रदान हुनेछ ।
नेपाली सेना अमेरिका, बेलायत, भारत, चीन, श्रीलङ्का, मंगोलिया, बंगलादेश, इजरायललगायत देशहरूका सैन्य संगठनहरूसँग खोज तथा उद्धार, विपद् व्यवस्थापन, प्रति आतंकवाद, पर्वतारोहण, संयुक्त राष्ट्रसंघीय शान्ति सेनामा सहभागी रहँदा निर्वाह गर्नुपर्ने भूमिकाहरू लगायतका विषयमा संयुक्त तालिम तथा अभ्यासहरूमा सहभागी हुँदै आएको छ ।
अभ्यासमा सहभागिताका लागि अमेरिकाको सैनिक टुकडी बन्दोबस्तीका सामग्रीसहित भदौ २१ गते सेनाको विमानद्वारा नेपाल आउने छ ।यसैबीच संयुक्त अधिराज्यमा संचालन हुने प्रतिस्पर्धात्मक एक्सर्साइज कम्ब्रेन पेट्रोलमा सहभागिताका लागि नेपाली सेनाको १० सदस्यीय टोली बुधवार प्रमुख सेनानी विवेकविक्रम शाहको कमाण्डमा बेलायततर्फ प्रस्थान गर्ने सेनाले जनाएको छ ।
प्रतिक्रिया दिनुहोस
सफल खबर संवाददाता
बुधबार, २० भदौ २०८०, १६ : २८
लेखकबाट थप
सम्बन्धित समाचारहरु
चीनले मे १ देखि नेपालीलाई भिसा शुल्क नलिने
इजरायलमा रहेका नेपालीलाई अत्यावश्यक बाहेक घरबाहिर ननिस्किन दुताबासको आग्रह
रुसी सेनामा आबद्ध नेपालीको जीवनरक्षा र सकुशल उद्धार गर्न गृहमन्त्री लामिछानेको ध्यानाकर्षण
फागुनमा मात्रै बिदेसिए साढे ६५ हजार नेपाली
युक्रेन युद्धमा होमिएका थप ७ नेपालीको मृत्यु
नेपाली शान्ति सैनिकहरूको अदलीबदली