५ लाख घुससहित विष्णुपुरका लेखापाल र इन्जिनियर पक्राउ

काठमाडौं। सप्तरीको विष्णुपुर गाउँपालिका गाउँकार्यपालिकाको कार्यालय विष्णुपुरमा कार्यरत लेखापाल टेक नारायण यादवसहित २ जनालाई अख्तियारले मुद्दा दायर गरेको छ ।

लेखापाल यादव र एम.आई.एस.अपरेटर इन्जिनियर विरेन्द्र कुमार यादवलाई चेकसहित अख्तियार दुरुपयोग अनुुन्धान आयोगको कार्यालय, इटहरीबाट खटिई गएको टोलीले नियन्त्रणमा लिएको हो ।

उनीहरुले सोलार बत्ती जडान लगायत योजनाको भुक्तानी बापत सेवाग्राहीसँग घुसबापत ५ लाख लिइसकेपछि सप्तरी, राजविराज–३, त्रिभुवनचोकबाट आज नियन्त्रणमा लिएको हो । उनीहरुको साथबाट २ लाख रुपैयाँ नगद र ३ लाख रुपैयाँको चेकसहित बरामद भएको छ ।

उनीहरुमाथि थप अनुसन्धान भइरहेको प्रवक्ता भोला दाहालले जनाएका छन् ।