लस एञ्जलस । अमेरिकाको पश्चिमी राज्य क्यालिफोर्नियामा शनिबार बिहान एउटा सानो व्यापारिक जेट दुर्घटना हुँदा छ जनाको मृत्यु भएको अधिकारीहरूले बताएका छन् ।
रिभरसाइड काउन्टी शेरिफ विभागका अनुसार लस एन्जलसबाट करिब १५० किलोमिटर दक्षिणपश्चिममा रहेको दक्षिणपश्चिमी रिभरसाइड काउन्टीको शहर मुरिएटामा विमान दुर्घटनाग्रस्त भएको प्रहरीले जनाएको छ ।
दुर्घटनाग्रस्त विमानले लस भेगासको ह्यारी रीड अन्तर्राष्ट्रिय विमानस्थलबाट उडान भरेको थियो । गत मङ्गलबार यही क्षेत्रमा सेसना विमान दुर्घटना हुँदा एक जना विद्यार्थी पाइलटको मृत्यु भएको थियो भने तीन जना घाइते भएका थिए ।
सङ्घीय उड्डयन प्रशासन तथा राष्ट्रिय यातायात सुरक्षा बोर्डद्वारा दुर्घटनाको अनुसन्धान भइरहेको छ ।
प्रतिक्रिया दिनुहोस
एजेन्सी
आइतबार, २४ असार २०८०, १४ : २०
लेखकबाट थप
सम्बन्धित समाचारहरु
अमेरिकालाई रुसको चेतावनी– क्रिमिया आक्रमणको बदला लिइन्छ
चीनसँग अमेरिकाको माग– अधिकारकर्मीहरूको तत्काल रिहाइ होस्
अमेरिकामा भारी वर्षा र पहिरोका कारण १३ जनाको मृत्यु
अमेरिकामा आँधीका कारण चार जनाको मृत्यु
विश्वकपको वार्मअपमा नेपालले अमेरिका र क्यानडासँग खेल्ने
अमेरिकाको टेक्सासमा बाढीः प्रभावित क्षेत्रबाट ६०० भन्दा बढीको उद्धार