माधव नेपालको प्रश्न - के हामी यो देश बनाउन सक्दैनौं ?

काठमाडौं । पूर्व प्रधानमन्त्री समेत रहेका अध्यक्ष माधव नेपालले देशको अर्थतन्त्रमा रहेका समस्याहरुलाई १५ वटा बुँदामा समेटेर प्रस्तुत गरेका अध्यक्ष नेपालले अराजकताकै कारण भ्रष्टाचार मौलाएको बताए ।

इमानदारिता र कर्तव्यनिष्ठा र मेहनत गर्ने प्रवृतिमा कमी आउनु पनि नेपाली अर्थतन्त्रमा देखा परेका समस्याहरुको कारण रहेको उनको व्याख्या छ । यावत समस्याहरुलाई समाधान गर्दै मुलुकको समग्र विकासमा सबै जिम्मेवार हुनुपर्ने उनको भनाइ छ ।

‘यो दिनमा मन्त्री भइसकेका एकसेएक छन, प्रधानमन्त्री भइसकेका व्यक्तिहरु पनि छन, बौद्धिक व्यक्तित्वहरु पनि छन्, सामाजिक अभियन्ताहरु पनि छन, यो सदनमा देशको हितको रक्षा गर्ने एकसेएक योद्धाहरु पनि छन । यी जम्मैको ज्ञान, बुद्धि र अनुभवलाई संगाल्ने हो भने के हामी यो देश बनाउन सक्दैनौं ?’ अध्यक्ष नेपाल आफै जवाफ दिन्छन्, ‘अवश्य बनाउन सकिन्छ ।’

यसका निम्ति आपसमा सहकार्यको आवश्यकता रहेको उनले बताए ।