चट्याङ लागेर बालकको मृत्यु

धनगढी । दार्चुलामा चट्याङ लागेर एक बालकको मृत्यु भएको छ।

शैल्यशिखर नगरपालिका-३ दुवेडीका १५ वर्षीय नरेश खत्रीको चट्याङ लागेर मृत्यु भएको हो

चट्याङ लागेर सोही ठाउँका अन्दाजी ३९ वर्षीया मीना खत्री र ३० वर्षीय कुमार खत्री घाइते भएकाे जिल्ला प्रहरी कार्यालय, दार्चुलाका प्रवक्ता प्रहरी निरीक्षक ज्ञानेन्द्रबहादुर सिंहले जानकारी दिए।

मीना र नरेश आमा छोरा हुन्। सोमबार साँझ खेतमा काम गरिरहेका बेला उनीहरूलाई चट्याङ लागेको थियो।

चिउरी रुखमा चट्याङ परेको र रुख नजिकै खेतमा काम गरिरहेका तीनै जनालाई चट्याङ लागेको प्रहरीले जनाएको छ।