काठमाडाैं । अमेरिकाका गुप्तचर निकायहरूले बुधवार संसारका जोखिमहरूका विषयमा वार्षिक प्रतिवेदन जारी गरेका छन् । प्रतिवेदनमा चीनलाई अमेरिकाका लागि विश्वव्यापी रूपमै ठूलो जोखिमका रूपमा चित्रित गरिएको छ । अमेरिकासँगको रणनीतिक प्रतिस्पर्धाका लागि चीनले आणविक हतियारहरूका विषयमा अडान बदलिरहेको प्रतिवेदनमा उल्लेख छ ।
चीनका नेताहरूलाई देशसँग रहेको क्षमता अपर्याप्त रहेको चिन्ता छ । त्यसैले ऊ हतियार निर्माणमा व्यापक जोड दिइरहेको छ ।
आणविक हतियार प्रतिरोध क्षमतामा बेइजिङको विश्वास बढिरहँदा अमेरिकासँगको संघर्षको आशंका बढेको छ । अहिले चीनले अन्तर्महादेशीउ क्षेप्यास्त्र राख्ने साइलोहरू सयौंको संख्यामा बनाइरहेको छ ।
चीनले विश्व स्तरीय सेना निर्माण गरिरहने प्रतिवेदनमा उल्लेख गरिएको छ । आफ्नो सम्प्रभुता रहेको क्षेत्रको सुरक्षा गर्दै क्षेत्रीय मामिलाहरूमा दबदबा बनाउने चीनको लक्ष्य हो । वैश्विक स्तरमा शक्तिप्रदर्शन गर्दै अमेरिकाको सैन्य श्रेष्ठतालाई पछि पार्ने उद्देश्य पनि चीनले लिएको छ ।
चिनियाँ सेनाले आफ्नो क्षमतामा द्रुत गतिमा वृद्धि गरिरहेको छ । उसले अमेरिकासँग विशाल स्तरमा तथा लामो समयसम्मको संघर्षका लागि आफूलाई तयार पारिरहेको छ । चीनले व्यापक नरसंहार गर्न सक्ने हतियार र उन्नत पारम्परिक हतियार दुवैमा आफ्नो घरेलु रक्षा उत्पादन क्षमतालाई बढाइरहेको अमेरिकी गुप्तचर निकायहरूको प्रतिवेदनमा उल्लेख गरिएको छ ।
सन् २०२७ सम्म चीनले आफ्नो सेनालाई ताइवानमाथि अमेरिकाले गर्न सक्ने हस्तक्षेप रोक्नका लागि क्षमतावान बनाउँदैछ । चिनियाँ जनमुक्ति सेनाको रकेट फोर्सको छोटो, मध्यम र इन्टरमिडिएट दूरीका पारम्परिक क्षेप्यास्त्रले पहिलेदेखि नै यस क्षेत्रमा अमेरिकी सेना र उसका अखडालाई जोखिममा पारिरहेको छ ।
प्रतिक्रिया दिनुहोस
सफल खबर संवाददाता
विहीबार, २५ फागुन २०७९, १२ : ५८
लेखकबाट थप
सम्बन्धित समाचारहरु
चीनको सपिङ सेन्टरमा आगलागी, कम्तीमा १६ जनाको मृत्यु
चन्द्रमा मिशनमा चीनलाई ठुलो सफलता, दुई किलो माटो पृथ्वीमा ल्याउन सफल
चीनसँग अमेरिकाको माग– अधिकारकर्मीहरूको तत्काल रिहाइ होस्
चीनमा तटरक्षा सम्बन्धी नयाँ नियम लागू
चीनको राजधानी बेइजिङमा पर्यटन प्रवर्द्धन कार्यक्रम
चन्द्रमाको दक्षिणी ध्रुवमा चिनियाँ मानवरहित यान अवतरण