६ तलाबाट खसेर माधव नेपालका भाइ सरोजकाे निधन

काठमाडाैँ । नेकपा एकीकृत समाजवादीका अध्यक्ष माधवकुमार नेपालका भाइ सरोजकुमार उपाध्याय रेष्टुराँको ६ तलामाथिबाट खसेर निधन भएकाे छ । एकीकृत समाजवादीका केन्द्रीय सदस्य समेत रहेका उपाध्याय गम्भीर खसेर घाइते भएका थिए । उनकाे उपचारका क्रममा अन्नपूर्ण न्यूरो अस्पतालमा निधन भएकाे जनाइएकाे छ ।

आज दिउँसो २ बजेतिर शंखमुलस्थित एक रेष्टुराँको ६ तलामाथिबाट खस्दा उपाध्याय घाइते भएका थिए । उनलाई तत्कालै नयाँबानेश्वरस्थित निजामती कर्मचारी अस्पतालमा लगिएको थियो । त्यहाँबाट थप उपचारका लागि माइतीघरस्थित अन्नपूर्ण न्यूरो अस्पतालमा लगिएको थियो ।

उपाध्याय माधव नेपालका कान्छा भाइ हुन् । उनी ६२ वर्षको उमेरमा थिए । हाल उनका २ छोरी छन्, दुवै अमेरिकामा छन् ।