ग्लोबल आइएमई र बैंक अफ काठमाडूबीच आज मर्जर घोषणा

सफल खबर संवाददाता

सोमबार, २५ पुस २०७९, ०८ : ३८
ग्लोबल आइएमई र बैंक अफ काठमाडूबीच आज मर्जर घोषणा

काठमाडौं । ग्लोबल आइएमई बैंक लिमिटेड र बैंक अफ काठमाडूबीच मर्जर भएर आजदेखि एकीकृत कारोबार सुरु हुँदैछ । मर्जरपछि ग्लोबल आइएमई बैंक लिमिटेडको नामबाट एकीकृत कारोबार शुरु हुन लागेको हो । मर्जर घोषणाका लागि सोमबार बिहान एक कार्यक्रमको आयोजना गरिएको छ । 

यसअघि दुवै बैंकको साधारणसभाबाट ग्लोबल आइएमई बैंक लिमिटेड र बैंक अफ काठमाण्डू लिमिटेड मर्जर गर्ने विशेष प्रस्ताव पारित भएको थियो ।

बैकको मर्जरपश्चात एकीकृत वित्तीय कारोबार शुरु गर्न डाटा माइग्रेसनका लागि शनिवार र आइतवार २ दिन ग्लोबल आइएमई बैक लिमिटेडको सम्पूर्ण बैकिङ सेवाहरू बन्द थिए । 

तर, सो अवधिमा बैंकको मोबाइल बैंकिङ, इन्टरनेट बैंकिङ, डेबिट तथा क्रेडिट कार्ड, एटिएम तथा एजेण्टमार्फत हुने रेमिट्यान्स सेवा भने यथावत सञ्चालनमा थिए । 
मर्जर पश्चात् बैंकको कूल पुँजी रु ५७ अर्ब, चुक्ता पूँजी रु ३५.७७ अर्ब, कूल निक्षेप रु ४०८ अर्ब, कूल कर्जा रु ३७६ अर्बभन्दा बढी पुगेको छ ।

प्रतिक्रिया दिनुहोस