भरतपुर महानगरपालिकाको मतगणना शुरु

चितवन । सर्वाधिक चासो रहेको भरतपुर महानगरपालिकाको मतगणना शुरु भएको छ ।  यस अघि मतगणना ९ बजेबाट शुरु गर्ने तयारी मुख्य निर्वाचन अधिकृतको कार्यालयले गरेको थियो । तर दलका प्रतिनिधहरु ढिला आएपछि मत गणना केहीबेर अगाडीबाट शुरु भएको हो । 

मतगणना चितवन प्रदर्शनी केन्द्र भरतपुर दुरसंञ्चार रोडमा  थालिएको छ ।  भरतपुर महानगरको मेयर पदमा सत्तारुढ गठबन्धनबाट रेनु दाहाल र उपमेयरमा चित्रसेन अधिकारी प्रत्यासी छन् भने एमाले र राप्रपाको गठबन्धनबाट मेयरमा विजय सुवेदी र उपमेयरमा राप्रपाका हिमला गुरुग चुनावी प्रतिष्पर्धामा छन् ।