स्थानीय निर्वाचन: जनमत पार्टीको मनोनय पत्र वितरण सुरु

काठमाडौं । सिके राउत नेतृत्वको जनमत पार्टीले आजदेखि स्थानीय तहको चुनावका लागि टिकट (मनोनय पत्र) वितरण सुरु गर्ने भएको छ । पार्टीको पालिका समितिबाट सिफारिस भइ मनोनित भइसकेका पालिका प्रमुख÷उपप्रमुख÷अध्यक्ष÷उपाध्यक्षका उम्मेदवारलाई टिकट वितरण गरिने जनमत पार्टीका सचिवालयले जनाएको छ । सो टिकट पार्टीको केन्द्रीय सचिवालय जनकपुरबाट हुने बताइएको छ । 

टिकट लिन आउने उम्मेदवारले आफ्नो नागरिकता र मतदाता परिचय–पत्रको प्रतिलिपी साथमा लिएर आउन पार्टीले भनेको छ । त्यस्तै, उम्मेदवारले टिकट लिनु अगावै पार्टीको अनुशासनमा बस्ने र भ्रष्टाचारमा संलग्न नहुने प्रतिबद्धता–पत्रमा हस्ताक्षर गर्नुपर्ने मापदण्ड सो पार्टीले बनाएको छ । 

टिकट लिनका लागि कुनै पनि शुल्क नलाग्ने पनि जनमतले स्पष्ट गरेको छ । त्यसका साथै  उम्मेदवारले आफ्नो निर्वाचन खर्च आफैंले बेहोर्नु पर्ने, तथा चुनावका लागि पार्टीले कुनै पनि खर्च नदिने भनि स्पष्ट गरेको छ । 

वडाअध्यक्षको टिकट बैशाख ७ र ८ गते हुने जनाइएको छ । वडाअध्यक्षको टिकट वितरण केन्द्रीय सचिवालय जनकपुर, विराटनगर र भैरहवाबाट वितरण हुने जनाइएको छ ।