जनमतले बोलायो सचिवालय बैठक

काठमाडौँ । मधेस प्रदेश सरकारले ल्याएको बजेटप्रति रुष्ट बनेको डा. सिके राउत नेतृत्वको जनमत पार्टीले सचिवालय बैठक बोलाएको छ। 

आइतबार दिउँसो १ बजे बस्ने गरी बैठक बोलाइएको प्रवक्ता डा शरदसिंह यादवले बताए।

बैठकमा मधेस प्रदेश सरकारले ल्याएको बजेटसहित पछिल्ला समसामयिक राजनीतिक घटनाक्रमबारे छलफल हुने उनले बताए। मधेसमा जनमतका सतिशकुमार सिंह नेतृत्वको सरकार छ। अर्थमन्त्री काँग्रेसका सुनिलकुमार यादव छन्।

अर्थमन्त्रीले मुख्यमन्त्रीलाई नै बाइपास गरेर बजेट ल्याएपछि जनमतले असन्तुष्टि जनाएको हो।