बहिनीलाई बलात्कार गरेको आरोपमा दाजु पक्राउ

काठमाडौं । १२ वर्षिया बहिनीलाई बलात्कार गरेको आरोपमा बझाङमा दाजु पक्राउ परेका छन् ।

१९ वर्षीय दाजुलाई प्रहरीले पक्राउ गरेको छ । घाँस काट्न गएकी बालिकामाथि मोबाइल र पैसाको लोभ देखाएर बलात्कार भएको उजुरी आएको प्रहरीले जनाएको छ । जिल्ला प्रहरी कार्यालय बझाङका अनुसार बालिकाले घटनाबारे बताएपछि सोमबार उनकी आमाले उजुरी दिएकी थिइन्।

अभियुक्तलाई पक्राउ गरिएको छ । बालिकाको स्वास्थ्य परीक्षण गरिएको छ भने उनलाई सुरक्षित घरमा राखिएको छ । जिल्ला प्रहरी कार्यालय बझाङका डिएसपी ज्ञानबहादुर विष्टले आरोपीमाथि जबरजस्ती करणीअन्तर्गत मुद्दा चलाइएको बताए।