काठमाडौं । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले केही दलका नेताले राजनीतिलाई पेशा व्यवसाय बनाएका कारण यसप्रतिको विश्वास घट्दै गएको बताएका छन् ।
शुक्रबार काठमाडौंमा आयोजित पार्टी प्रवेश कार्यक्रममा अध्यक्ष लिङ्देनले राजनीतिलाई पेशा व्यवसाय बनाउनेहरु नराम्ररी पराजित हुने पनि बताए । उनले अब राजनीतिलाई कमाई खाने भाँडो बनाउनेहरु कांग्रेस, एमाले माओवादीको कित्तामा हुने र देश यथास्थितिमा राख्नुहुँदैन भन्नेहरु आफ्नो पक्षमा रहने धारणा राखे ।
त्यस्तै उनले नेपालमा उत्पादन हुने विजुली विदेशमा बेच्ने नभई मुलुकमा नै खपत गर्नुपर्ने उल्लेख गरे । विजुलीको अधिकतम प्रयोग गर्नसक्ने मुलुक विकासको बाटोमा अघि बढ्ने र रोजगारी पनि बढ्ने उनको भनाइ छ ।
उनले मुलुकको हितमा काम गर्नसक्ने राप्रपा बाहिरका व्यक्तिलाई पनि स्थानीय तहको निर्वाचनमा अवसर दिइने बताए । कार्यक्रममा विभिन्न दलबाट आएका कार्यकर्ताहरुलाई अध्यक्ष लिङ्देनले राप्रपा प्रवेश गराएका थिए ।
प्रतिक्रिया दिनुहोस
सफल खबर संवाददाता
शुक्रबार, ०४ चैत्र २०७८, १५ : ४५
लेखकबाट थप
सम्बन्धित समाचारहरु
देश चलाउने मौका हामीले पाए भ्रष्टाचारीमाथि डोजर चलाउँछौँ : राजेन्द्र लिङ्देन
प्रधानमन्त्रीज्यू गल्ती सच्याउँछु भन्दा पनि नपाउने परिस्थिति आउन सक्छ : राजेन्द्र लिङ्देन
यो गठबन्धनले राप्रपा खोज्ने दिन नआओस् : राजेन्द्र लिङ्देन
सीमित नेताको मुठ्ठीमा देश कैद भयो : राजेन्द्र लिङ्देन
राप्रपा अध्यक्ष लिङ्देन हङकङ प्रस्थान
कार्की मुख्यमन्त्रीमा नियुक्त भएपछि लिङ्देनले भने - कांग्रेस, एमाले र माओवादी मिलेको राम्रो हुन्छ भन्ने हाम्रो सुझाव थियो