नेपाल प्रहरीमा एआईजीको दरबन्दी थपिदै, अर्थ मन्त्रालयले दियो स्वीकृत

काठमाडौं । नेपाल प्रहरीमा एआईजीको दरबन्दी थपिने भएको छ । यसअघि ५ जना एआईजीको व्यवस्था रहेकामा अहिले थपेर ८ जना बनाउन लागिएको हो ।  एआईजी थप्नेसम्बन्धी प्रस्ताव अर्थले स्वीकृत गरिसकेको अर्थ मन्त्रालय स्रोतले जनाएको छ । 

हाल नेपाल प्रहरीको एआईजी बन्ने लाइनमा डीआईजीद्वय धिरज प्रताप सिंह र उत्तम सुवेदी रहेका छन् । यस्तै ईश्वर बाबु बार्की र बसन्त पन्त पनि सोही लाइनमा रहेका छन् । कार्कीलाई गृहमन्त्री बालकृष्ण खाँण पत्नि मञ्जुको आशिर्वाद रहेको बताइन्छ भने पन्तलाई रमेश लेखकको आशिर्वाद रहेको बताइएको छ ।।

यसअघि नै सरकारले एआईजी र पाँच जना डीआईजीको दरबन्दी थप गरेपनि अर्थले स्वीकृति दिइसकेको थिएन ।  गृृह मन्त्रालयले पाँच वटा डीआईजीको दरबन्दी थप्नुपर्ने राय दिँदै स्वीकृतिका लागि संगठनात्मक स्वरुप निर्धारण (ओएण्डएम) मन्त्रिपरिषद्मा पठाएको थियो । तर, सरकारले एआईजीको दरबन्दीसमेत थप गरेर स्वीकृत गरेको हो । एआईजीको दरबन्दी थप्ने प्रयासका कारण लामो समयदेखि ओएण्डएम स्वीकृत हुन सकेको थिएन ।