काँग्रेस महाधिवेशन मतगणना अपडेट : २२०० गन्दा देउवाको  १ हजार ५१, अन्य कसको कति ?

काठमाडौं । नेपाली कांग्रेस सभापतिका लागि भएको निर्वाचनको मतगणनामा अहिलेसम्म शेरबहादुर देउवा अग्रस्थानमा रहेका छन्। अहिलेसम्म प्राप्त मतपरिणामअनुसार २२०६  मत गन्दा देउवाले  १ हजार ५१, शेखर कोइरालाले ७९३, विमलेन्द्र निधिले २०५, प्रकाशमान सिंहले १७४, कल्याण गुरुङले १० मात्रै प्राप्त गरेका छन्।

सोमबार राति सकिएको मतदानपछि मंगलबार बिहान ४ बजेदेखि मतगणना सुरु भएको हो। निर्वाचन समितिका अनुसार ४ हजार ६७९ मत खसेको छ। नेपाली कांग्रेसका कूल ४ हजार ७४३ मतदाता रहेका थिए। 

नेपाली कांग्रेसको १४औं महाधिवेशनमा सभापतिमा पाँचजनाले उम्मेदवारी दिएका छन्। त्यसमध्ये देउवा र र कोइरालाले प्यानल बनाएरै चुनावमा उत्रिएका छन्। 

पार्टीको विधानअनुसार कांग्रेसको सभापतिमा निर्वाचित हुनका लागि कूल खसेको ५० प्रतिशत बढी मत हुनुपर्छ। ५० प्रतिशत बढी मत नल्याए पहिलो र दोस्रो स्थानमा रहेका दुईबीच दोस्रो चरणको चुनाव हुने प्रावधान छ।