आगलागीबाट फेवाताल किनारका ५ रेष्टुरेन्ट जलेर नष्ट

पोखरा । पोखराको फेवाताल किनारमा आगलागी हुँदा पाँचवटा रेष्टुरेण्ट जलेर नष्ट भएका छन् । ताल किनारमा रहेका रेष्टुरेण्टहरु आगलागीमा पदा जलेर नष्ट भएका छन् । आगलागीबाट डेढ करोड भन्दा बढीको क्षति भएको प्रहरीले जनाएको छ । 

आगो नियन्त्रणमा आइसकेको प्रहरीले जनाएको छ । सोमबार बिहान ३ बजेदेखि आगो लाग्न सुरु भएको स्थानीयले बताएका छन् । करिब ६ बजे मात्रै आगो नियन्त्रणमा आएको थियो ।

विद्युत सर्ट भएर आगो लागेको हुन सक्ने अनुमान गरिएको छ । यद्यपी कारण खुल्न सकेको छैन । आगलागीको कारण खुल्न नसकेको प्रहरीले जनाएको छ ।