मजदुर किसानले बोक्ने रातो झन्डा गैँडालाई बोकाइयो : माधव नेपाल

चितवन । नेकपा (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपालले मजदुर किसानले बोक्ने रातो झन्डा गैँडालाई बोकाइएको आरोप लगाएका छन् । 

चितवनको भरतपुरमा जिल्लास्तरीय अगुवा कार्यकर्ता भेलामा नेपालले भने, ‘माक्सले त त्यो क्रान्तिकारी रातो झण्डा मजदुर किसानलाई बोक्न भन्नु भएको थियो तर यहाँ त मान्छे नपाएर गैंडालाई बोकाई दिएका छन् ।

उनले एमालेको हालत पतनको अवस्थामा रहेको बताए । अध्यक्ष नेपालले आगामि निर्वाचनमा एमालेलाई धुलो पार्ने चेतावनी समेत दिए । उनले भने, ‘एमालेलाई धुलो पार्छौँ हेर्दै जानुहोला ।’