सामाजिक सञ्जाल दुरुपयोग गरेर युवतीको चरित्र हत्या गर्ने युवक पक्राउ

काठमाडौं । सामाजिक सञ्जाल दुरुपयोग गरेर युवती तथा नाबालिकाको चरित्र हत्या गरेको आरोपमा प्रहरीले एक युवकलाई पक्राउ गरेको छ ।  पक्राउ पर्नेमा काठमाडौंको भोटेबहाल बस्ने २० वर्षीय लव खड्गी रहेका छन् । 

उनले सामाजिक सञ्जालहरु इस्टाग्राम तथा फेसबुकमार्फत नाबालिका र युवतीहरुलाई साथी बनाएर विभिन्न डरधम्की दिएर नग्न तस्बिर तथा भिडियो पठाउन लगाएर चरित्र हत्या गरेको उजुरी प्रहरीमा परेको थियो । 

सोही उजुरीको आधारमा विद्युतीय कारोबार ऐन अन्तर्गतको कसुरमा उनलाई पक्राउ गरेर जिल्ला अदालत काठमाडौंबाट ५ दिनको म्याद लिइ अनुसन्धान भइरहेको नेपाल प्रहरीको साइबर ब्युरोले जनाएको छ ।