काठमाडौं । सल्यानमा आइतबार बिहान भएको बस दुर्घटनाका सबै १२ जना मृतकको सनाखत भएको छ ।
ज्यान गुमाउनेमा शारदा नगरपालिका घर भइ दाङको तुलसीपुर बस्ने ५३ वर्षीया प्रभा चलाउने, शारदानगर २ की मिना डाँडी, ६६ वर्षीया लिला बुढाथोकी, त्रिवेणी १ काभ्राकी मिना शाही, दाङको बबईकी दुलिदेवी रेउले, बबईकै कलादेवी बुढाथोकी रहेका छन् ।
यसैगरी घोराही उपमहानगरपालिकाकी वर्षीया इन्दिरा अधिकारी, सल्यानको छत्रेश्वरी गाउँपालिकाकी तिलक ओली, दाङको शान्तिनगर गाउँपालिकाकाका सावित्रा केसी, सुरज ओली, घोराहीकी रुपा केसी, सल्यानको त्रिवेणीकी सरिता बोहरा रहेका छन् ।
जिल्लाको दुल्धारा पोखराबाट दाङको तुलसीपुरका लागि छुटेको रा १ ख २५५२ नम्बरको बस कपुरकोट गाउँपालिका–५ खारखोलामा आज बिहान दुर्घटना भएको हो ।
घाइतेमध्ये १३ जनालाई थप उपचारका लागि हेलिकप्टरमार्फत नेपालगञ्ज रिफर गरिएको छ भने अन्य सबैको सल्यान जिल्ला अस्पतालमा उपचार भइरहेको छ ।
प्रहरीका अनुसार आठ जनाको घटनास्थलमै ज्यान गएको हो भने बाँकीको उपचारका क्रममा मृत्यु भएको हो । चालक भने फरार भएका छन् ।
प्रतिक्रिया दिनुहोस
सफल खबर संवाददाता
आइतबार, २१ कार्तिक २०७८, २० : ५८
लेखकबाट थप
सम्बन्धित समाचारहरु
सिन्धुपाल्चोकमा जन्ती बोकेको बस दुर्घटना हुँदा ३ जनाको मृत्यु
हेलिकोप्टर दुर्घटनामा केन्याका सेना प्रमुखको निधन
कास्कीमा बस दुर्घटना हुँदा ७ जना घाइते
अर्घाखाँचीमा ट्याक्सी दुर्घटना, ६ जना घाइते
दुर्घटनापछि राेकिएकाे कमेडी च्याम्पियनको सुटिङ आजदेखि सुरू हुँँदै
फेवातालमा डुंगा दुर्घटनामा परेका युवाको सशस्त्रद्वारा सकुशल उद्धार